Tagesarchive: 7. August 2019

Fotos Brigitte Fuchs: An der Aare bei Aarau

(…)

Am Aarebort händ d Wälle gwüehlt und gwalet,
Es ewigs uf und ab, sind z gumpe cho
Vo wytem und vo nochem. Witt si neh,
So sind si scho vergangen und verruscht.
S Mareili und sis Schwöschterli sind iez
Am Ufer ghocket, händ di blutte Füess
Is Wasser gha und no de Stäine gstupft.
„Mareili, lueg ä, wi si suber wärde!“
Het s Anni grüeft und wüetig mit de Hände
Die brune Zähje wyss und glänzig gribe.
Iez uf und s Röckli ab! Es springt im Hömli
Uf Gras und Sand und übers Aarechees,
Und d Schwöschter het s no gschwind am Hor verwütscht:
„Zieh emel s Hömli ab, wen d bade wit!
Lue, d Sunne schaffet nümmen über d Zyt.“

(…)

Paul Haller (1882-1920) Schweizer Mundartdichter
Auszug aus dem Mundartepos „s’Juramareili“, Gedicht in Aargauer Mundart, Verlag Sauerländer, Aarau, 1. Auflage 1912